Бахшида ба Иди Ғалаба дар муассисаҳои таълимии №1 ва №48 Ҷамоати шаҳраки Қубодиён маросими гулчанбаргузорӣ дар назди лавҳаи хотираи қурбониёни Ҷанги дуввуми ҷаҳон ва оташи абадӣ баргузор гардид. Дар ин чорабиниҳо намояндагони қишрҳои гуногуни аҳолӣ, аз ҷумла ҷавонон иштирок намуда, хонандагони муаасисаҳои мазкур дар васфи қаҳрамониҳои иштирокчиёни Ҷанги дуввуми ҷаҳонӣ шеърҳо қироат намуданд.
Ҳамзамон бо мақсади дастгирии модӣ ва маънавии иштирокчиёни Ҷанги дуввуми ҷаҳон аз ноҳия бо иштироки раиси ноҳия Файзуллозода Зафар кумакҳои молиявии Ҳукумати Ҷумҳурӣ, раиси вилоят ва ноҳия, инчунин кумаки модӣ ба иштирокчиёни ҷанг дастрас карда шуд.
