Санаи 5 марти соли 2024 дар доираи Нақша чорабиниҳои муштараки сохторҳои дахлдори ноҳияи Қубодиён, бо мақсади ташакулли мафкураи сиёсию шаҳрвандон таҳти унвони «БАЛАНД БАРДОШТАНИ МАЪРИФАТИ ҲУҚУҚИИ ШАҲРВАНДОН" аз ҷониби масъулини мақомотҳои дахлдори давлатӣ дар деҳаи Учқунободи Ҷамоати деҳоти Заркамари ноҳия гузаронида шуд.
Дар рафти сӯҳбат вобаста ба дастуру супоришҳои Президенти Ҷумҳурии Тоҷикистон, ки дар Паёми навбатиашон ба Маҷлиси Олии Ҷумҳурии Тоҷикистон ироа гардид, расонида шуд. Ҳамзамон тарғиби васеъ вобаста ба дастовардҳо ва созандагиҳои Асосгузори сулҳу Ваҳдати миллӣ, Пешвои миллат Президенти Ҷумҳурии Тоҷикистон муҳтарам Эмомалӣ Раҳмон дар тӯли 32 соли соҳибистиқлолии Ҷумҳурии Тоҷикистон ба даст омадааст, зикр карда шуд.
Ҳамзамон оиди пешгирии шомилшавии ҷавонон ба ҳизбу ҳаракатҳои террористӣ-экстремистӣ, ҷинояту ҷинояткорӣ байни наврасону ҷавонон ва дигар омилҳои номатлуб дар ҷомеа, даъвати ҷавонон ба сафи Қувваҳои мусаллаҳи Ҷумҳурии Тоҷикистон, риояи талаботҳои Қонуни Ҷумҳурии Тоҷикистон "Дар бораи танзими анъана ва ҷашну маросим дар Ҷумҳурии Тоҷикистон" ва таъмини аҳоли бо шуғли пурмасъул аз тарафи масъулин ба онҳо расонида шуданд.
